काठमाडौँ । ललितपुरको नख्खुमा रहेको कोरियन खीष्टियन मिसनरीहरूले सञ्चालन गरेको स्कुल लिभिङ स्टोन एकेडेमीले मनपरी शुल्क असुलेको पाइएको थियो । सो एकेडेमीले गुणस्तरीय शिक्षा दिने नाममा अभिभावकसँग मनपरी शुल्क असुलेको पाइएको हो ।
राताेपाटी न्यून डट कममा समाचार प्रकाशन भएपछि ललितपुर महानगरपालिका शिक्षा महाशाखाले समाचारलाई गम्भीरतापुर्वक लिदैँ स्कुलका बिषयमा अनुगमन गर्ने भएको छ ।
ललितपुर महानगरपालिका शिक्षा महाशाखाका अधिकृत महेन्द्र शाहीका अनुसार ‘प्रकाशित समाचारबारे ललितपुर महानगर शिक्षा महाशाखाको ध्यानाकर्षकण भएको छ, २र ३ दिनभित्र शाखाको टोलीले स्कुलका विषयमा उठेका प्रश्नहरुको अनुगमन गर्ने छ ।’ यता स्कुल प्रशासन भने स्कुलका विषयमा उठेका प्रश्नहरुलाई त्यति गम्भिरतापूर्वक लिएको छैन् ।
स्कुलका प्रिन्सिपल प्रणय कुमार गुरुङसंग दिउँसो समाचारका बिषयमा बुझ्दा उनले स्कुलका शुल्कबारे कार्यालयमा आएर जानकारी लिन बताए । स्कुल र्बोडका अध्यक्ष मणी कोइरालासँग फोन सम्पर्क गर्दा आफूलाई स्कुलका बारेमा केही पनि जानकारी नभएको र आफूलाई र्बोडमा बसिदिन मात्र भनेको अन्य कुराहरु आफूलाई केही थाहा नभएको भन्दै पन्छिएका छन् ।
नेपाल राष्ट्रिय मण्डली संगतिका अध्यक्ष पास्टर हनोक तामाङका अनुसार नेपालमा विदेशी ख्रीष्टियन मिशनरीले शिक्षामा व्यापार गरेको देख्दा आफूलाई निकै दुःख लागेको बताए । ‘मिशनरी भनेको सेवा गर्ने हो व्यापार गर्ने हैन ।’ उनले भने
समाचारका कारण स्कुलका एकपछि अर्को रहस्य खुल्दै गएको छ । स्कुल प्रशासनले केही दिन अघिमात्रै अध्यापन गराइरहेका स्कुलका बिज्ञान शिक्षक ज्ञान नारायण श्रेष्ठलाई बिनाकारण कुनै सूचना बिना कोरियन ख्रीष्टियन मिशनरीले ठाडो निर्देशनमा निकालेको बताउनुभयो । ‘आफुलाई अध्यापन गरुन्जेल कुनै नियुक्ति पत्र पनि नदिएको अहिले आएर आफु निकालिएको सूचना प्राप्त भयो अचम्मित भएको छु, म मात्र हैन अरु शिक्षकको हालत पनि उस्तै छ ।’ उनले भने।राताेपाटी न्युज डट कम बाट साभार
