प्रेम श्रेष्ठ, खाेटाङ । रावाबेसी गा.पा.१ कुभिन्डेको श्री रत्नराज्य लक्ष्मी आ. वि. को प्राङ्गणस्थित रावाबेसी गाउँपालिका खेलकुद विकास समितिको आयोजना र रावाबेसी गाउँपालिकाको संयाेजकत्वमा रावाबेसी खेलकुद विकास समितिका अध्यक्ष गेहेन्द्रमान राई को सभापतित्व र रावा बेसी गाउँपालिका अध्यक्ष लिलानाथ निरौलाको प्रमुख आतिथ्यमा कार्यक्रम सुरु भएको छ । खेलमा ९ टिम सहभागी भएको छ ।
आज भएको पहिलो खेल हलेसी तुवाचुङ न.पा. vs ऐसेलुखर्क गा.पा.A टिम बिच भएको खेलमा ऐसेलुखर्क A टिमले आफ्नो जित हासिल गरेको छ । भोलीको पहिलो गेम ऐसेलुखर्क B टिम vs खोटेहाङ्ग गा.पा. बिच बिहान ७:०० बजे हुने भएको छ । त्यसैगरी गेम २०, २१ र २२ गरि ३ दिन संचालन हुने भएको छ भने खेलमा विजयी हुने टिमले प्राप्त गर्ने पुरस्कारहरु यसप्रकार रहेको छ :
प्रथम : १,००,०००l-
द्वितीय: ७५,०००।-
तृतीय : ५०,०००।-
सान्त्वना : २५,०००।-
साथमा शिल्ड, मेडल र प्रमाणपत्र प्राप्त गर्ने छन् ।
